Venkaiah Naidu-a'n PM Modi thusawi dahkhawmna bu tlangzarh

24th September, 2022

India vice president hlui M Venkaiah Naidu chuan nimin khan prime minister Narendra Modi thusawi hrang hrang dakhawmna lehkhabu a tlangzarh.

He lehkhabu hi 'Sabka Saath Sabka Vikas Sabka Vishwas – Prime Minister Narendra Modi Speaks (May 2019-May 2020)' tih a ni a, Modi-a'n subject hrang hrang a sawi leh India tana hmathlir a neihte a sawi 86 dah a ni.

Ministry of information and broadcasting-in Rang Bhawan Auditorium, Akashvani Bhawan, New Delhi-a inkhawm a buatsaihah Naidu hian lehkhabu hi a tlangzarh a ni.

Lehkhabu hi Hindi leh English-a siam niin, Publications Division sales outlet hrang hrangah zawrhchhuah thuai a ni ang. Publications Division website-ah online-in lei theih a ni dawn bawk.