JNU leh DU-te foreign fund dawn ṭhin titawp

Union Home Ministry chuan institution eng emaw zatin kum khat chhunga an sum hmuhnate an thehluh loh avangin Foreign Contribution Regulation Act, 2010 (FCRA) hnuaia heng institution-te registration chu a tihtawpsak.

FCRA hnuaia in register lote chuan ram pawn lam aṭangin ṭanpuina sum an dawng thei lo a ni. Home Ministry-in registration a tihtawpsak zingah hian JNU, Delhi University, IIT Delhi leh ICAR bakah Supreme Court Bar Association pawh an tel. Pawl hrang hrangte hian kum khat chhunga an sum lakluh leh hmanralnate hi sorkara an thehluh ziah a ngai a, an thehlut lo a nih chuan an registration hi cancel sak ṭhin an ni.