New Delhi-ah Rajdhani rel chesual

New Delhi Railway station-ah nimin zing khan Jammu Tawi-New Delhi Rajdhani Express chesualin pindan pakhat a let a, hliam an awm lo.

He chetsualna thlen hun hi zing lam dar 6 vel a ni a, rel hian platform a tlan lut laiin a chesual a ni. Tunhnaiah ramchhungah rel chetsualna a thleng fo a, September 7 khan Jabalpur pana tlan Shaktipunj Express chesualin pindan pasarih a let a, hemi ni vek hian zing lamah Ranchi-Delhi Rajdhani Express chu Delhi-a Minton Bridge bulah a engine leh power car letin mi pakhatin hliam a tuar bawk. September 7 vek hian Maharashtra-a Khandala-ah bungraw phur rel pindan pahnih alo let tawh bawk.