Ni tin Ayushman Bharat card nuai 10 pekchhuak tum

Union health minister Mansukh Mandaviya chuan sorkar laipui chuan a flagship health insurance scheme, Ayushman Bharat Pradhan Mantri–Jan Arogya Yojana (AB PM-JAY) hnuaiah ni tin Ayusman Bharat card nuai 10 zel pekchhuah an tum tih niin khan a sawi.

Minister chuan beneficiary vaibelche 19 hnenah Ayushnman Bharat card hi pek chhuah a ni tawh tih sawiin, "A hma chuan ni khatah card hi nuai 1 - 1.5 te pekchhuah niin, tunah hian nuai 4-5 te siam a ni bawk. Mahse ni khatah card hi nuai 10 zel pekchhuak theih kan tum tawh a ni," a ti.

Ayushman Bharat health infrastructure mission hnuaiah, health infrastructure thuam chakna turin district tinah Rs vbc 100 vel zel sen a ni dawn tih minister chuan a sawi.

He scheme hi ram chhunga hospital 28,300 chuangin an hmang tawh a, an zinga 46% chu private hospital an ni. He scheme hmangtu, damdawi-ina admit tawh mi vaibelchhe 3.8 chuang zinga 46% chu sorkar hospital-ah enkawl an ni. Damlo admit tawh zinga 52% chu mipa niin, damlo zing 27% hi kum 45-49 inkar an ni a, kum 3-44 inkar 24% an awm bawk a ni.

Kum 2021, September thlaa hawn a nih hnuah, Ayushman Bharat Digital Mission (ABDM)-ah hian ABHA number vaibelchhe 24 chuang ziahluh tawh niin, health facility registry (HFR)-ah health facility nuai 1.50, healthcare professionals registry (HPR) hnuaiah healthcare zonal 80,000 chuang ziahluh a ni tawh.