UP-ah ṭekin mi 12 deng hlum

Uttar Pradesh-a ruahsur nasa takin chhiatna a thlenah mi 36 an thi a, an zinga mi 12 chu ṭek denhlum an ni tih official-te chuan an sawi. Ruah hi a la sur chhunzawm zel dawn nia sawi a ni bawk.

Official-te chuan ni nga chhungin UP-ah hian ṭekkin mi 39 a denghlum niin an sawi a, thuneitute hnenah ruahsur leh ṭek tla nasa tak laka mipuite him theihna tur kaihhruainate siam turin an ngen bawk.

Fur lai, June - September thla hian ṭek a tla tel nasa ṭhin a, nikum khan India ramah ṭekin a denhlum hi a hma kum aiin 34% in a tam a ni. Kum 2016 khan India ramah ṭekin a den hlum hi mi 1,489 awmin, kum 2021-ah 2,869 an awm a ni.

Lightning Resilient India Compaign hruaitu Col Sanjay Srivastava chuan ramngaw tichereu, tui hna kang leh pollution hrang hrang te chuan climate change thlenin, hei hian ṭek tla pawh a tihtam phah niin a sawi.