Kum 3 chhungin cancer centre 49 din tum

Ramchhungah cancer natna vei an pung chho zel a, hei vang hian sorkar lapui chaun kum thum chhungin cancer center 49 din hman a tum.

Cancer center hi 31 a awm mek a, kum thum chhunga centre 49 din tharna tur scheme atan hian cheng vaibelchhe 3,495 ruahman a ni. Health ministry chuan detailed project plan pawh a siam tawh a, hei hi Prime Minister Office (PMO) chuan high-level meeting-ah a ennawn dawn a ni.

Center din thar turte hi National Programme for Prevention and Control of Cancer, Diabetes, Cardiovascular Diseases and Stroke hnuaiah a tahtawla siam an ni ang.

India ramah hian kumtin cancer natna vei hmuchhuah thar hi nuai 10 chuang an zawm ziah a, an zinga nuai sarih vel chuan enkawl har an nih avangin an thihpui a ni. Indian Council of Medical Research (ICMR) in a chhut danin, kum 2020-ah chuan cancer vei hmuhchhuah hi kum khatah mi nuai 17.3 vel tlingin, mi nuai 8.8 in an thihpui dawn niin a sawi. Center 49 din thar turte hi caterogy pahnih - state cancer institute leh tertiary care cancer centers (TCCCs) hnuaiah siam an ni ang.