Dhinakaran-a thlawptu AIADMK MLA 18-te ban

Tamil Nadu State Assembly Speaker, P Dhanapal chuan nimin khan sorkar laka hel, rorellai AIADMK MLA zinga 18, Dhinkaran-a thlawptute chu anti-defection law hnuaiah MLA aṭangin a ban.

AIADMK hnuaia pawl pa­hnih, Chief Minister Edappadi K Palaniswami leh chief minister hlui O Panneerselvam kaihhruaite chu tunhnai khan an inchhunfin a, Panneerselvam hi deputy chief minister-ah dah zui a ni. AIADMK deputy general secretary, TTV Dhinakaran leh a lamṭangte chuan hei hi an duh lo a, Governor Ch Vidyasagar Rao-a hnenah pawh CM Paniswamni kaihhruai sorkar an thlawpna ah hnuhdawh thu hi ziakin an lo hriattir tawh a ni.

Tamil Nadu sorkar chuan AIADMK MLA helte hi hneh let tumin a bei a, mahse a hlawhchham tak avangin MLA aṭanga ban a ni ta a ni. Eptute leh MLA helte hian sorkar hian thlawptu a ngah tawk em tih fiah an phuh a, mahse rorellai MLA helte ban an nih tak avangin sorkar hian fiahna pawh hi a paltlang thei dawn a ni.

MLA 18-te ban an nih tak avangin State Assemby member hi 234 aṭangin 215-ah a tla thla a, CM Palaniswami kaihhruai sorkar hian MLA 107 neiin, majority a nei pha ta a ni.

Speaker-in MLA 18-te a ban thu a puan hnu hian, Dhinakaran thlawptu MLA-te hian court-ah an zualko tur thu an sawi.