Air Force Marshal Arjan Singh vuiliam

Air Force Marshal, kar kalta Inrinni-a New Delhi-a Army Research and Referral Hospital-a thi, Arjan Singh chu nimin khan state chawimawina famkim nen Delhi-a Brar Square-ah vui liam a ni.

1965 India-Pakistan war hero, Arjan Singh hi Air Force officer zinga five-star rank pek awmchhun a ni a, a thih hian kum 98 mi a ni. 1965 indo lai khan IAF hotu niin, aircraft chi hrang 60 chuang a khalh a, khawvel huapa Indian Air Force dinhmun chawisanna kangah hmalatu pawimawh tak a ni. Kum 2002 Republic Day khan Marshal rank pek a ni.