PM pianchamah pawisa 68 cheque thawn

Pathianni kha Prime Minister Narendra Modi-a piancham vawi 67-na a ni a, BJP-te’n hmun hrang hrangah midangte tana inpekna ni atana an hman laiin, Andhra Pradesh-a pawl pakhat chuan an bial chhunga loneitute harsatna tawhte lantirna hun atan an hmang.

Andhra Pradesh-a non-profit group, Rayalaseema biala khawkheng vanga harsatna tawk, loneitute tana thawktu, Rayalaseema Saguneeti Sadhana Samiti (RSSS) chuan PM piancham pual hian an state-a district pali-a loneituten harsatna an tawh mek lantir nan PM hi pawisa 68 cheque 400 an thawn.

RSSS co-convener Yerva Raamachandra Reddy chuan pawisa 68 cheque an thawn chhan chu PM hian an harsatna tawh mek chungchang a ngaihven theihna tura ti an nih thu a sawi. Rayalaseema chu leilung hausakna bial ni mah se, ramchhunga bial hmasawn lo ber zingah a tel niin an sawi. He bial chhunga Kurnool, Anantpur, Chittoor leh Kadapa district-ahte chuan Krishna leh Penna luite luang tlang mah se, loneitute chuan tui lamah harsatna nasa tak an tawk mek a ni, a ti. State chhunga politician-te pawhin an bial chu an ngaihven lo niin an sawi bawk.