Sushma Swaraj leh Bangladesh PM inhmu
New York-a United Nations General Assembly hmang a kal, External Affairs Minister Sushma Swaraj-i chu nimin khan Bangladesh Prime Minister Sheik Hasina nen an inkawm.
Hruaitute hi an inkawm rei lo a, ram pahnih inlaichinna chungchang chauh sawiin, tunhnaia sorkar pahnihten an buaipui mek Rohingya raltlan chungchang pawh an sawilang lo nia tarlan a ni. Hemi hma hian Swaraj-i chuan Bhutan Prime Minister Tshering Tobgay pawh a lo hmu tawh bawk a, ani nen pawh hian Doklam ramri-a India leh China sipaite inep chungchang pawh an sawilang lo. Ministry thupuangtu chuan Doklam buaina chungchang hi sawifel a nih tawh avangin meeting-ah hian sawichhuah kher a ngai lo niin a sawi.