Lalu Yadav leh Nitish Kumar-te'n Sonia Gandhi an hmu

Kum 2024 Lok Sabha inthlanpui awm tura eptu ṭangrual pawl din a nih theihna atana hma la mektu, Janata Dal United (JDU) hruaitu leh Bihar chief minister Nitish Kumar chuan Pathianni khan Rashtriyana Janata Dal (RJD) hotu Laly Prasad Yadav nen Congress interim chief Sonia Gandhi an hmu.

Congress hotu, UPA chairperson ni bawk Sonia Gandhi hian a lo dawngzawng ṭha hle nia sawi a ni. Mahse Congress party president thlan thar a nih dawn avangin, hruaitu thlan thar a nih hunah inhmu leh turin a lo rawt niin an sawi.

Nitish Kumar chuan meeting zawhah chanchinthar lakhawmtute a kawmnaah, Congress party tel lo chuan eptu ṭangrual pawl hi din theih a ni lo tiin, BJP beihletna kawngah Congress chu a hmahruaitu an ni, a ti. A hmaa Delhi a kal ṭum pawhin, Nitish Kumar hian epty hruaitu pawimawhte a lo hmu tawh a, hemi ṭum hian Sonia Gandhi hi ram pawn lama inenkawla a awm bo lai a nih avangin a hmu thei lo a ni.