Bihar-ah Rs vbch 389 senga siam dam a chim

Bihar-a Gateshwar Panth Canal Project dam chu hawn a nih hma niin a chim a, a siam naa hian cheng vaibelchhe 389 sen ral a ni.

Gateshwar Panth Canal Project dam hi nimin khan Bihar Chief Minister Nitish Kumar-a hawn tir tum a ni a, mahse hawn a nih hma ni, Thawhlehni khan tui khuah bang hi a chim ta a ni.

Minister of Water Resources Lallan Singh chuan tuikhuah a chim chhan hi tui pekchhuah nasat vang niin a sawi a, tuikhuah chim hian an tui an khuahna hmun siamtharte a tihchhe tello tih a sawi.

Report-a tarlan danin, he dam siamna atan hian sorkar chuan cheng vaibelchhe 389.31 a ruahman a ni. He project hi Bhagalpur-a ram hectare 18,620-a zau leh, Godda district-a ram hectare 22,658 a zau ten an chhawr thei dawn a ni. Tuikhuah chim avang hian a chhehvel biala chenna in tam tak chu tuiin a chim a ni. Dam hawnna tur atan hian Thawhlehni khan chanchinbu lamah advertisment te pawh tihchhuah a lo ni tawh a, mahse ṭhulh a ngai ta a ni. He thil thleng avang hian eptu pawl, RJD chuan worker-te chuan CM Kumar leh Minister Lallan-te lim an hal a, project thawhnaah hian eirukna a nasa niin an sawi.