Sushma Swaraj leh Afghanistan President inkawm

United Nations General Assembly hmanga New York-a cham mek, External Affairs Minister Sushma Swaraj-i leh Afghanistan President Ashraf Ghani-te chu Nilaini khan an inkawm a, ram pahnihte inlaichinna ṭha zawk siam dan turte an sawidun.

Tun thla tir lam khan Afghanistan Foreign Minister Salahuddin Rabbani chu India ramah rawn zinin Swaraj-i nen hian an inkawm a, an meeting-ah hian ram pahnihte tana thawhdunna thar siam a, Afghanistan-a project 116 thawhte an lo remti tawh a ni. Hemi hma hian US President Donald Trump chuan Afghanistan ram dinhmun siamṭhat leh hmasawnna atana an hmalaknaah, India chu nasa zawka inrawlh turin a lo sawm tawh bawk a ni.