Kerala CM-in RSS sawisel

Kerala Chief Minister Pinarayi Vijayan chuan Hindu pawl Rashtriya Swayamsewak Sangh (RSS) chu sawi­selin, Hindu ram siam tumah a puh.

Vijayan-a hian Chennai-a Viduthalai Chiruthagal Katchi (VCK)-in State Autonomy Conference a huaihawta thu a sawinaah he thu hi a sawi lang a ni. RSS leh a hmanrua, BJP chu ram inkaihhruaina dan sawiṭhiah tumah a puh a ni.

CM chuan RSS chuan state hrang hrangte chu chak lo zawka siam a, Hindu chawisan tumah a puh a, BJP pawhin hei hi a kalpui a, an thiltih tawh hrang hrang aṭangin finfiahna pawh a awm a ni, a ti. Hetiang thil dik lo taka an kalpuihna hi lo dan a ngaih thu a sawi.

RSS leh BJP lo sawisel fo tawhtu, Vijayan chuan RSS chuan India hnam leh sakhaw hrang hrang awmna, culture hrang hrang awmna ram a ni tih a pawm duh lo niin a sawi a, an thuthlung anga culture pakhat, ṭawng pakhat hmannaa siam a tum a ni, a ti.