Dera zuitu thi chhungte zángnadawmna pe dawn

Haryana sorkar chuan Dera Sacha Saud hotu, Gurmeet Ram Rahim-a thiam loh chantir a nih avanga amah zuituten Panchkula-a buaina an chawh chhuah avanga security force-te kut tuara thi chhungte chu zangnadawmna a pe dawn.

Pawngsual thubuai avanga Dera hotu thiam loh chantir a, kum 20 tang tura hremna pek a nih avang hian amah zuitu tam tak chuan buaina an chawk chhuak a, security force-te nena an intihbuainaah mi 40 chuang an thi a ni. Dera zuitute hi buaina chawk chhuaktu zawk an nih avangin thi chhungte hnena zangnadawmna pek tur hi cabinet member ṭhenkhat chuan an dodal thung.