Covid-19 donaa sorkar laipui leh state sorkarte thawhhona duh khawp lo

NGO, Housing and Land Rights Network (HLRN) chuan ramchhunga Covid-19 dona kawnga sorkar laipui leh state sorkarte thawhhona chu an duh khawp lo tih a sawi. 

Nimin khan HLRN chuan Covid-19 chungchanga report tichhuakin, report thupui hi 'India’s COVID-19 Lockdown: Human Rights Assessment and Compilation of State Relief Measures' tih a ni. He report-ah hian PM Cares hman dan te pawh langtlang taka mipuite hrilh hriat nise tia tarlan a ni a, mipuite hman theih tur surveillance application siam a nih loh thu pawh tarlan a ni.

Sorkarin awlsamtea hri laka invenna tur atana mipuite hnena hriattirna a pek, ina awm tur, inhlat a awm tur tih leh kut silfai tur tih chu, khawpuia cheng in nei lo mi rethei zawk mi maktaduai 4 chuang tan chuan zawm a harsat thu report-ah hian tarlan a ni. Anni bakah hian mi mtd 75 vel chu mi rethei khawsak harsa ve tak takte an ni tih HLRN chuan a tarlang bawk.

Nitina inhlawhfa, state danga inhlawhfa, lo neia ei zawngte bakah chenna tur nei lo tam tak te India-ah hian an awm a, heng mite hi hri len chhung hian sorkar laipuiin emaw state sorkarin emaw ṭanpuina  a pe ṭha tawk loh tih HLRN chuan a tarlang.

HLRN chuan hri len chhung hian thla ruk chhung tal chu sorkar hian India rama mi rethei zawkte tan hian chaw, chenna, sum leh pai leh ṭuldanga a ṭanpui a ngai a ni tiin report-ah hian an ziak lang.