PM-in Mann Ki Baat programme hmang

Prime Minister Narendra Modi chuan nimin kha thla tina radio-a programme a neih, Mann Ki Baat a hmang leh.

Nimina Maan Ki Baat programme tihchhuah hi a kum thumna leh, ṭum 36 tihchhuah a nihna a ni. Nimina PM Modi-a thusawi tlangpuite chu -

1) Mann Ki Baat hi ram mipuite nena inthlunzawmna danglai leh pawimawh tak a ni.

2) Sorkarin hmeichhiate dinhmun chawikanna kawng khat atana ‘selfie with daughter’ campaign a kalpui chuan fanu rilru-ah mahni inrintawkna leh inchhuan a thlen a, nu leh pate pawhin an fanute nena selfie chu an ngaihlu hle a ni.

3) October 31 hian ram pumah Run For Unity Ek Bharat Shreshth Bharat programme huaihawt a ni ang.

4) Rampuma faina beihpui thlak hna kalpui chaun mipuite thlawp a hlawh ṭha hle a, Faina chungchanga essay leh painting competition buatsaiah naupang vaibelchhe khat chuang an tel a ni.

PM hian minute 30 chhung thu a sawi a, Kashmir rawlthar, kum 18 mi Bilal Dar-a’n rim taka faina beihpui thlak hna a thawk chu a fak thu a sawichhuak. Dar hian Dal Lake a thianfai ṭhin a, he dila bawlhlawh paih kg 12,000 chuang zet a thianfai tawh a, a hnathawh avang hian Srinagar Municipal Corporation chuan faina beihpui thlak kawngah ambassador atan a lo ruat tawh a ni.