CAG thar Rajiv Mehrisi lalut dawn

Home Secretary hlui, Rajiv Mebhrisi chu vawiin hian Comptroller and Auditor General (CAG) thar atan lakluh a ni dawn.

CAG thar hi President Ram Nath Kovind chuan Rashtrapati Bhavan-ah rinawmna thu tiamtirin a lalut dawn a ni.

Kum 62 mi, Rajiv Mehrisi hi 1978 batch (retired) Indian Administrative Service (IAS), Rajasthan cadre a ni a, thla hmasa khan home secretary kum hnih term a hmang zo chiah a ni. CAG term hi kum ruk emaw, kum 65 tlin thleng emaw a hmasa zawk zawk a ni a, Mehrisi hi kum 62 mi a nih tawh avangin he hna hi kum thum chhung a chelh dawn tihna a ni.

Delhi University aṭanga Master of Arts (MA) leh Bachelor of Arts (BA) zirchhuak, Mehrisi hian Rajasthan state leh centre-ah post pawimawh tak tak a lo chelh tawh a, home secretary a ni hma hian Rajasthan-ah economic affairs secretary leh chief secretary te a lo ni tawh a, department of chemicals and fertilisers leh Overseas Indian Affairs-ah a lo awm tawh bawk.