Jharkhand-a halpuah siamna factory kangah mi 8 thi

Jharkhand-a East Singbhum district-a halpuah siamna factory-ah Pathianni zan khan kangmei a chhuak a, mi pariat an thi a, mi dang 25 chuangin hliam an tuar.

Ghatsila Sub-Divisional Officer (SDO) Arvind Kumar Lal chuan kangmei chhuak vang hian in bang hi a chim tel niin a sawi a, he buildinga hian halpuah ṭhahnem tak dah a nih thu a sawi. Kangmei chhuak ṭhelh tur hian kangṭhelh motor pahnih tirh nghal a ni a, hliam tuarte pawh damdawi-in lam panpui nghal an ni bawk. Chief Minister chuan Raghubar Das chuan kangmei chhuaka thi chhungte chu cheng nuai hnih ṭheuh leh, hliam tuarte chu Rs 50,000 ṭheuh pek an nih tur thu a puang.