Punjab CM-in sorkar rintawkna motion pulut

Pujab chief minister Bhagwant Mann chuan Thawhlehni khan state assembly-ah a kaihhruai Aam Aadmi Party (AAP) sorkar rintawkna motion a pulut. .

Kar liam ta khan sorkar fiahna neihna tura special session an koh, governor Banwarilal Purohi-an a sut sak avangin kaltlangpui thei lo mah se, Thawhlehnia assembly session an neihah eptuten an sawiselna karah CM hian confidence motion hi a pulut leh ta tho a ni.

Assembly session hi October 3 thleng pawhsei a ni. Session pawhsei chungchang hi Business Advisory Committee meeting-ah ngaihtuah a ni a, mahse he committee-ah hian party member telh an ni ve lo nia sawiin eptu pawl, BJP MLA pahnih chu House aṭangin an chhuak tau. Congress MLA 15-te pawh House rorelna tibuaiah puhin Speaker chuan a chhuahtir bawk.