AP CM thlalak zah lohna lantirah official-te puh

Andhra Pradesh sorkar chuan official ṭhenkhatin Chief Miniter N Chandrababu Naidu-a thlalak zah lohna an lantir nia sawi chungchang chu chhuichiang turin thupek a tichhuak.

Thawhṭanni khan Velagapudi, Amaravati-ah higher education department official-te’n review meeting an nei a, he meeting-ah hian official-te chuan an paper plate hman hluite chu CM Naidu-a thlalak frame chungah an paihkhawm nia sawi a ni. He thil hi CM chuan a ngaimawh hle a, senior IAS officer B Udaya Laskhmi chu chhuichiang turin thu a pe a ni.

Minister staff-te chuan meetinga-a telte hi ei tur an pe a, mahse an ei nawi leh hmanrua paihna tur an chhawp tel lo a ni. A hnuah dawhkan sirah thlalak frame te chu chhawpin, official-te hnenah an ei tur chhawpna paper plate leh tui bottle ruakte chu dahkhawm mai turin an ti a ni. An thil nawi an paihna hmun hi hmun tifaituten an thenfai hnuah bawlhhlawh bawm atan hian CM thlalak awmna frame-te hman a nih tih hriatchhuah a ni ta a ni.