Pakistan sipaite silai hmeh puahah civil mi 2 hliam

Pakistan sipaite chuan nimin khan Jammu and Kashmir-a Line of Control (LoC)-a inkahhai puan chu palzutin, India lam hawiin silai an hmetpuak leh a, civil mi pahnih-in hliam an tuar.

Poonch district-a LoC-ah Pakistan sipaite hian Indian post leh ramri bulah thingtlang khuate an kap a, India sipaite chuan an chhang let ve nghal a ni. Pakistan sipaite hian Bhimber gali, Balakote, Shahpur leh Poonch-a LoC-a thingtlang khuate chu silai leh mortar shell hmangin an kap a, mi pahnih-in hliam an tuar a ni. September 24 khan Pakistan sipaiten Balakote sector-a LoC-a silai an hmehpuah avangin India sipai pahnhin hliam an lo tuar tawh bawk. Arnia leh RS Pura sector-a inkahna thleng vangin mi 20,000 chaugn chu an lo tlanchhe tawh bawk a ni.