Rahul Gandhi hi Kristian a ni: Subramanian Swamy

Congress vice president Rahul Gandhi chuan Gujarat assembly inthlan neih tur atan an party tan a campaign mek a, Nilaini khan Hindu temple pali tlawhin ṭawngṭaina hun a hmang a ni.

Rahul Gandhi-a’n Hindu temple a tlawh hi BJP MP Subramanian Swamy chuan nimin khan sawiselin, Rahul chu Hindu a ni ngei tih finfiah phawt turin a phut. BJP hruaitu chuan Rahul Gandhi chu Kristian niin a sawi a, 10 Janpath-ah pawh biak-in a nei a ni, a ti.

Congress party hruaituin temple hrang hrang a tlawhna chhan hi BJP-in Congress party Hindu dodaltu anga an lantir a dik lohzia tihlan an tumna pakhat nia ngaih a ni a, mahse BJP chuan hei hi sawiselin, Rahul Gandhi-an temple a tlawh chu mipuite laka an hmai phihfai an tumna mai a ni a, Hindu nihna nen inzawmna a nei lo tiin an sawi.