India leh Israel thawk dun dawn
India leh Israel chu second 30 leka result tichhuak hman thei tur rapid testing kit siam chhuah tumna kawngah an thawk dun dawn. India-a Israel embassy chuan ram pahnihte thawhdun tur thu hi puangin, hemi atan hian Israel Ministry of Defense R&D team-a official member-te India-ah an rawn kal dawn tih a sawi. Anni hian India chief scientist K Vijay Raghavan leh DRDO chu rapid testing kit siam chhuah tumna kawngah an thawhpui dawn a ni. Israel team hi ambassdor Ron Malka'n a ho dawn a, ram pahnihte chu inṭhianṭha tak a nih thu leh Covid-19 dona kawnga an thilsiam chhuah tum hi an tihhlawhtlin ngei a rin thu Malka chuan a sawi.