BJP hruaituin sorkar sawisel

BJP hruaitu hlun leh Union Finance Miniter hlui, Yashwant Sinha chuan Prime Minister Narendra Modi-a kaihhruai sorkar chu sawiselin, ram sum dinhmun ṭhanna chu a hniam hle tih a sawi.

Sinha hian Indian Express-a article a tichhhuahah ram sum dinhmun chu a chhiat chhoh em avangin a ṭawngchhuah a ngai ta niin a sawi a, kum 2019-a inthlanpui neih hmain siamṭhat hman a ni lo ang, a ti. PM Modi pawh hmuh alo tum fo tawh a, mahse tun thlengin huna ala pe thei lo niin a sawi a, sorkar leh party-a mi pawimawhte pawhin a thusawi chu an ngaihven pui duh lo niin a sawi. Sorkar laipuiin nikum November thlaa pawisa note lian pahnih a tih thih khan sum dinhmun a nghawng na hle a, hei bakah GST hman chuan harsatna hi a belhchhah bawk a ni, a ti. Finance Minister Arun Jaitley-a’n ram sum dinhmun a enkawl dan chu a dik tawk lo a ni, a ti. Minister Arun Jaitley-a chuan Sinha thusawi hi chhangin, kum 80 hnu lama hna zawngah a puh. Jaitley chuan finance minister hlui, columnist-a inlet ta tia sawiin, a ni hian nawmsakna ala nei ve lo niin a sawi bawk.