Father Tom-a’n PM hmu

Islamic State (IS) firfiakten hun eng emaw chen an rukbo hnua September 12-a an chhanchhuah leh tak, Kerala-a Roman Catholic puihtiam, Father Tom Uzhannalil chu Ningani khan India ramah rawn kirin, Prime Minister Narendra Modi leh External Affairs Minister Sushma Swaraj-i te a hmu.

Father Tom hi Yemen-a Aden khawpuia tar enkawlna hmun thawk a ni a, an awmna hmun hi nikum March thla khan IS firfiakte hian luhchilhin mi 16 a kaphlum a, Father Tom hi an hreng zui a ni. Chhanchhuah a nih theih dan ngaihuah hian Yemen sorkar thuneitute pawh biak an ni a, September 12 khan amah hrengtute chuan an chhuah ta a ni. Sorkar laipui chuan Father Tom-a tlanchhuah nan hian sum pek a nih loh thu leh, External Affairs Ministry hmalakna vanga chhuak thei niin a sawi.