Chief of Defence Staff thar Gen Anil Chauhan

General Anil Chauhan chuan nimin khan Indian armed force-a rank sang ber, chief of defence staff (CDS) charge a la ṭan a, CDS ni thei pahnihna a ni.

CDS hmasa ber, general Bipin Rawat chu nikum December thla khan helicopter chesualah a thi a, thla kua zet a post ruak hi hnawhkhah loha a awm hnuah nimin khan CDS thar hian charge a la ta a ni.

Gen Chauhan hian CDS charge a lak hmain India Gate complex-a National War Memorial-ah ram tana nunna hlantu, sipaite zahna chibai a buk a, Rasina Hills-a South Block-ah Guard of Honour a endik bawk. He hunah hian army chief general Manoj Pande, IAF Chief Air Chief Marshal VR Chaudhari, Navy vice chief Vice Admiral SN Ghormade leh Air Marshal BK Krishna-te pawh an awm.

CDS thar, Gen Chauhan hi three-star officer chawl tawh, four-star rank chelh tura koh let hmasa ber a ni bawk.