State panga Governor thar tur ruat

2nd October, 2017

President Ram Nath Kovind chuan state panga - Tamil Nadu, Arunachal Pradesh, Bihar, Assam leh Meghalaya Governor thar tur a ruat.

Tamil Nadu Governor atan Banwarilal Purohit, Arunachal Pradesh Governor-ah Brig (Dr) BD Mishra (Retd), Bihar-ah Satya Pal Malik, Assam-ah Jagdish Mukhi leh Meghalaya Governor-ah Ganga Prasad-te ruat an ni.

Banwarilal Purohit : Kum 1977-ah politics luhchilhin, kum 1978 khan Maharashtra Assembly inthlanah Nagur east bial

aṭangin thlan tlin a ni. Kum 1980 kha Nagpur south-ah thlan nawn leh a ni a, 1982 khan minister-ah lakluh a ni. 1984 leh 1989 Lok Sabha inthlanah khan MP atan thlan tlin a ni a, Parliamenatary Consultative Committee of Defence Ministry member-ah dah a ni. 1996 Lok Sabha inthanah thlan nawn leh a ni a, Parliamentary Consultative Committee on Home Affairs, Standing Committee on Defence leh Public Sector Undertaking Committee member-ah dah a ni. Kum 2016, August 17 khan President chuan Assam Governor turin a lo ruat tawh bawk.

Ganga Prasad : Kum 1994 Bihar Legislative Council atan thlan a ni a, kum 18 chhung MLC a ni a, Legislative Council-ah eptu hruaitu a ni bawk. NDA sorkar hmasaah khan Bihar Legislative Council-ah rorellai BJP hruaitu a ni.

Jagdish Mukhi : Kum 1975-ah politics luhchilhin Delhi sorkar-ah Finance, Planning, Excise & Taxation leh Higher Education portfolio te a lo chelh tawh a, kum 1998-2008 inkar khan Delhi Assembly-ah eptu hruaitu a ni. Andaman & Nicobar Islands-ah Lieutenant Governor a ni tawh bawk.

Brig (Dr) BD Mishra (Retd) : Indian Army-ah kum 34 chhung a ṭan hnuin, kum 1995 khan Brigadier in pension. NSG (Black Cat Commando) Counter Hijact Task Force commander a ni tawh a, a kaihhruaina hnuaiah kum 1993 khan Indian Airlines fligh-a thawktu leh passenger 124 hijack-te chu hlawhtling taka chhanchhuah an ni. Kum 1962-a China dona leh, 1972-a Pakistan nena indonaah pawh khan a tel a ni.

Satya Pal Malik : Kum 1990 April - November inkar khan Union Minister of State, Parliamentary Affairs and Tourism a lo ni tawh. Uttar Pradesh assembly member atan thlan a nih hnuah, kum 1980-1989 inkar khan Rajya Sabha member a ni a, 1989 khan Lok Sabha MP atan thlan a ni. Agriculturist leh social worker a ni a, Parliament of India hnuaia Institute of Constitutional & Parliamentary Studies aṭangin Parliamentary Affairs-ah Diploma a nei a ni.