Ram hruaituten Gandhi leh Shashtri zahna hlan

President Droupadi Murmu leh vice president Jagdeep Dhankar-te chuan Mahatma Gandhi piancham pualin nimin khan Rajghat-ah Gandhi zahna an hlan.

Prime minister Narendra Modi, Congress president Sonia Gandhi-te pawhin Rajghat-ah Gandhi zahna hi an hlan ve bawk.

President leh Vice President hian Rajghat an tlawh hnuah, Vijay Ghat-ah prime minister hlui Lal Bahadur Shashtri zahna an hlan leh bawk a ni.

Mahatma Gandhi piancham hi khawvel pumah International Day of Non-Violence-ah hman a ni a, India bakah ram dang hmun hrang hrangah he ni pual hian hun buatsaih a ni.