Maha CM hluiin party thar din

Maharashtra Chief Minister hlui, Narayan Rane chuan poli­tical party thar, Maharashtra Swabhimani Paksha a din.

Congress hruaitu hlui hian thla hmasa khan Congress party a chhuahsan a, National Democratic Alliance (NDA) a zawm dawn nia sawi thawm a awm a, state chhunga party lian dang pawhin an sawm a ni. Mahse Pathianni khan party thar a din thu hi a puang a ni.

Narayan Rane chuan a party din thar chu siamrem phawt a, hemi hnuah NDA lamin an bia a nih chuan an zawm mai dawn niin a sawi. Congress party a chhuah­san hnuah party dang

aṭanga sawmtu a nei nual tih sawiin, mahse amah ngeiin party din a duh ta zawk tih a sawi. BJP chauh ni lo, party dang zawng zawg pawhin zawm turin an sawm niin a sawi. Rane chuan a party thar din chu a fapa, Congress MLA nilai Niresh Rane pawhin ala zawm dawn niin a sawi bawk.

Kum 1999 khan Narayan Rane hi Shiv Sena-ah a awm laiin Maha­rashtra chief minister a ni a, Uddhav Thackeray-a'n Shiv Sena a kaihhruai hnuah an inkar boruak a ṭha lo a, Congress party-ah a lut a ni. Congress party-ah hian kum 12 a awm hnuin chief minister ni tura an tiamna chu tihhlawhtling duh lohah puhin thla hmasa khan a chhuahsan leh a ni.