Pakistan sipaite silai hmehpuahah naupang pathum thi

Pakistan sipaiten nimin zing khan Jammu and Kashmir-a Kerni, Kasaba leh Digwar sector-ah, ramri-a inkahhai puan palzutin ramri bula India khuate an kap a, naupang pathum an thih bakah midang pariat-in hliam an tuar.

Pakistan sipaite silai hmehpuaha thi zinga pakhat hi kum 10 mi, Israr Ahmad a ni a, Kasaba sector-ah kahhlum a ni. Official-te chuan Pakistan sipaite hian nimin zing khan Shahpur, Kerni leh Kasaba sector-a Indian post leh thingtlang khuate an kap bawk a, naupang pahnih thiin civil mi panga-in hliam an tuar tih an sawi. Hliam tuarte hi damdawi-in lam panpui nghal an ni.

Jammu and Kashmir Deputy CM Nirmal Singh chuan Pakistan chu ram dawihzep tak a ni tia sawiin, a changin inremna duh anga insawiin flag var an vai a, a changin civil mite an pawng kah leh ṭhin a ni, a ti.