Sasikala-i'n a pasal damlo hmu tura chhuah a duh

Bengaluru jail-a tang mek, AIADMK hruaitu aṭanga ban tak, VK Sasi­kala-i chuan a pasal M Na­tarajan chu a dam loh mek avangin amah enkawl tura ni 15 chhuah lailawk phalsak turin a dil.

Eiruk thubuaiah thiam loh chantir a nih avangin kumin Febraury thla khan Sasikala-i hi jail-ah dah a ni a, jail-a atan hnu hian an party, AIADMK chuan party hruaitu a nihna aṭangin an ban a ni. Sasi­kala-i pasal, ku 74 mi Natarajan hi Chennai hos­pital-ah a awm mek a, a thin thlak a ngai dawn a ni. Hei bakah hian natna dang pawh a nei nual a, a dinhmun a ṭha lo a, a nupui hmuh hi a dil nia sawi a ni.