UP-ah silai licence nei nuai 13 awm

Ministry of Home Affairs data-a a lan danin, rampumah silai licence nei maktaduai 34 an awm a, heng zinga mi maktaduai 13 chu Uttar Pradesh ami an ni.

2011 census-ah khan Uttar Pradesh mipui zat hi 19,98,12,341 an ni a, heng zinga 12,77,914-te chu silai licence pek an ni a, licence pek zinga a tam ber chu personal security hminga pek an ni. Jammu and Kashmir-ah chuan silai licence nei hi 3,69,191 an awm a, 2011 census-a an state-a mihring awm zat chu 1,25,41,302 a ni.

Kum 1980 leh 1990 chhoa firfiaka chetna thlen fona, Punjab-ah chuan silai licence nei hi 3,59,349 an awm. Punjab-ah hian kum 2011 census-ah mi 2,77,43,338 an awm. Madhya Pradesh-ah silai licence nei 2,47,130 awmin, Haryana-ah 1,41,926 an awm bawk. Silai licence pek chhuah tamna state dangte chu - Rajasthan (1,33,968), Karnataka (1,13,631), Maharashtra (84,050), Bihar (82,585), Himachal Pradesh (77,069), Utta­rakhand (64,770), Gujarat (60,784) leh West Bengal (60,525)-te an ni.

Delhi-ah silai license nei 38,754 an awm a, Nagaland-ah 36,606, Arunachal Pradesh-ah 34,394, Manipur-ah 26,836, Tamil Nadu-ah 22,532, Odisha-ah 20,588 , Assam-ah 19,283, Meghalaya-ah 18,688, Jharkhand-ah 17,654, Mizoram-ah 15,895 leh Kerala-ah 9,459 an awm bawk. Silai licence pek chhuah tlemna ber chu Union Territory - Daman and Diu leh Dadra and Nagar Haveli-te an ni a, licence 125 ve ve chuah pekchhuah a ni.