Firfiakten BSF camp an bei

Jammu and Kashmir-a Srinagar-ah Border Security Force (BSF) camp chu nimin zing khan firfiakten an bei a, sipai pakhat a thih bakah midang pahnihin hliam an tuar. Firfiakten an kahhlum hi assistant sub-inspector a ni.

Firfiakte hian zing dar 4 velah BSF camp hi an bei a, security force-te chuan firfiakte hi lo kap let ve nghalin, pahnih an kaphlum a, pakhat chu kap hliamin a hnuah a hliam tuar loin a thi ve leh a ni. BSF camp hi Srinagar airport hnaiha awm a ni a, camp beih a nih vang hian airport pawh khar zui a ni bawk.

Pakistan firfiak pawl, Jaish-e-Mohammad chuan BSF camp beitu an nih thu a sawi.

Firfiakten an beih hi BSF 182 Batallion awmna a ni a, camp bulah hian BSF leh CRPF training centre a awm bawk. Firfiakte bei let tur hian specialised counter-terrorism unit 53 Rashtriya Rifles tirh nghal an ni a, CRPF, BSF leh force dangten an pui bawk a ni.