President a zin chhuak

President Ram Nath Kovind chu nimin khan ni li chama Djibouti leh Ethiopia tlawh turin a zinchhuak a, president atana lakluh a nih hnua rampawn lama a zin chhuahna hmasa ber a ni.

Africa ram pahnih a tlawhnaah hian president hian thawhdunna tur inremna thuthlungte a ziak nghal dawn niin Ministry of External Affairs chuan a sawi. President press secretary Ashok Malik chuan Djiouti chu India thawhpui ram pawimawh tak a ni a, ram pahnihte insumdawn tawnna chu kum 2016-17 ah US dollar maktaduai 284 a tling tih a sawi. India hian Djibouti-a cement plant siamna hna kalpuina turin US dollar maktaduai 49 a lo puktir tawh a ni.

Kovind-a hi kum 45 chhunga India President zinga Ethiopia ram tlawh hmasa ber tur a ni bawk. Kum 2016-a ram pahnih insumdawn tawnna chu US dollar tluklehdingawn khat dawn a tling pha a ni. India hi Ethiopia rama foreign investor lian pathum zingah a tel a, dollar tluklehdingawn 4 hu investment tihna tur pawh a pawm tawh a ni. President hian ram pahnihah hian India mi awmte hun hmanpui a tum bawk.