India-in PM atan firfiak a thlang : Pakistan Minister
Pakistan Foreign Minister Khawaja Asif chuan Geo TV-in a kawmnaah, India chu firfiak rorelna hnuaia awm a nih thu a sawi.
External Affairs Minister Sushma Swaraj-in Pakistan chuan firfiakte a chherchhuak ṭhin nia a sawi chungchang a chhannaah, Pakistan minister chuan India ram ngei pawh firfiak rorelna hnuaia awm a nih avangin Swaraj-i chuan Pakistan chu firfiak thlawp ramah a puh thei lo ang, a ti.
Pakistan minister chuan RSS chu firfiak pawl tia sawiin, India chu RSS rorelna hnuaiah a awm mek a, BJP pawh RSS peng pakhat mai a ni, tiin a sawi.
Khawaja Asif chuan, "India chuan prime minister atan firfiak a thlang a ni" tiin, Muslim leh Dalit-te chu bawng humhalh chhuanlama tihhlum fo an nih thu a sawi bawk.