IAF kutah ramchhunga siam light combat helicopter hlan

India rama siam, light combat helicopter 'Prachand' tia vuah chu nimin khan Indian Air Force hnenah hlan a ni. Prachand hi missile leh ralthuam dang pawh kap chhuak thei tura duan a ni.

Jodhpur-a Prachand hlanna inkhawm buatsaih hi defence minister Rajnath Singh-a'n a hmanpui a, "India ram tana thil hriatreng tlak, defence production lama a theihna pholangtu a ni," a ti. He hunah hian Chief of Air Staff Air Chief Marshal VR Chaudhari pawh a tel.

Light Combat Helicopter (LCH) hi Hindustan Aeronautics Ltd (HAL)-in France engine maker Safran nena thawkduna a siam niin, hmun sang lamah hman tura duan deuh bik a ni. 5.8 ton twin-engine helicopter hian weapon firing test hrang hrang pawh a paltlang tawh a ni. 20mm turret gun, 70 mm rocket systems leh air-to-air missile dah a ni.

Combat search and rescue (CSAR), destruction of enemy air defence (DEAD) leh counter-insurgency (CI) operation atan hman theih a ni dawn a, stealth feature hrang hrang, armoured-protection systems, night attack capability leh crash-worthy landing gear-a thuam a ni bawk.

Chopper hi Lakadh lamah pawh enchhin a lo ni tawh a, Chinese drone-te chu air-to-air missile hmangin a kaphtla thei dawn a, air-to-surface anti-tank munition hmangin tank-te pawh a bei let thei bawk ang. Indian Army kutah chopper hi 95 hlan a ni dawn a, Indian Air Force hnenah 65 pek a ni bawk ang.