Bihar governor thar lalut

Bihar Governor thar atan Satpal Malik chu nimin khan rinawmna thu tiamtira lakluh a ni.

Patna High Court Chief Justice Rajendra Menon chuan Malik hi rinawmna thu a tiam tir a, Bihar Governor 38-na atan a lalut a ni.

Bihar Governor hlui Ram Nath Kovind chu President atana thlan a nih tak avangin a hmun hi hun eng emaw chen a ruak tawh a, West Bengal Governor Kersri Nath Tripathi chuan a hmui a ni.

Governor thar lakluh inkhawm hi nimin chawhma dar 10 khan Raj Bhawan-ah neih a ni a, Chief Minister Nitish Kumar, deputy CM Sushil Kumar, CM hlui Jitan Ram Manjhi, Bihar Vidhan Sabha speaker Vijay Kumar Chowdhary leh Chief Secretary Anjani Kumar Singh-te an tel.

Satpal Manik hi Uttar Pradesh-a Bahgpat district mi a ni a, law graduate niin kum 1970 khan politics a luhchilh a ni. Kum 1974 khan a ṭum khatna atan MLA-a thlan tlin a ni. Kum 1980-84 leh 1986-1989 khan Rajya Sabha MP atan thlan a ni a, kum 1989 khan Lok Sabha member-ah thlan tlin a ni. 1990 khan sorkar laipuiah minister a ni bawk. BJP a zawm hmain Malik hi Congress, Lok Dal, Samajwadi Party leh Janta Dal-ahte a lo awm tawh a ni.