National leh state election buatsaih rual thei dawn

Eleciton Commission of India chuan kum 2018 September thlaah Lok Sabha leh state assembly inthlan chu an buatsaih rual thei dawn niin a sawi.

Election Commissioner OP Rawat chuan khawl thar lei hunah, parliament leh assembly inthlante hi a rualin a neih theih dawn a ni, a ti. Mahse hemi chungchanga thutlukna chu sorkar laipui leh party hrang hrang ten an la rel dawn niin a sawi.

Parliament inthlan leh state assembly inthlan ahraga buatsaih hian inthlan senso a titam a, hei vang hian a ruala inthlan buatsaih theih hi a duh thu Prime Minister Narendra Modi chuan a lo sawi tawh a ni. Inthlan hi a ruala buatsaih tur chuan voting machine leh VVPAT tam zawk mamawh a ni dawn a, Election Commission hian heng khawl thar leina tur sum hi sorkar laipuiah pawh a dil tawh a ni. Election Commissioner chuan EC chuan VVPAT leina atan cheng vaibelchhe 3,400 leh electronic voting machine (EVM) leina turin cheng vaibelchhe 12,000 an dawng tawh niin a sawi.

Rawat chuan kum 2018 September thlaah chuan EC chuan VVPAT machine nuai 40 a nei tawh dawn niin a sawi. EVM hmanga inthlan neihna turah VVPAT pawh hi hman tel zel a ni dawn tih a sawi bawk. Political party hrang hrang chuan vote thlakna, EVM hi khawih chingpen theih nia sawii, inthlannaah hian VVPAT hman tel a nih loh pawhin, paper ballot system hman leh an rawt a ni.