Pakistan nuclear site kan kap fuh thei ang : Air Force chief

Indian Air Force Chief BS Dhanoa chuan sorkar laipuiin surgical strike neih a ṭul a ti leh a nih chuan a sipaite chuan Pakistan nuclear site an kahfuh theih tur thu a sawi.

Nimina New Delhi-a press meet a neihah he thu hi sawiin, Dhanoa chuan Air Force chuan ramri kaltlangin Pakistan nuclear site awmna hmun zawngchhuakin a kap fuh thei a ni, a ti. A ṭul huna beihpui thlak tur hian a inpeih reng tih a sawi bawk. Mahse surgical strike neih tur chungchangah hian thu­tlukna chu sorkar laipui siam tur a ni.