Ramchhunga rel station 200-te chei ṭha dawn

Union railways minister Ashwini Vaishnaw chuan ram chhunga rel station 200-te chu chei ṭhain, tunlai hmanraw ṭha hmangin thuam ṭhat an ni dawn tih a sawi.

Minister hian Maharashtra-a Aurangabad railway staton-a coach maintenance factory lungphum a phumnaah he thu hi a sawi a ni.

Railways chu thuam thar mek a ni tih sawiin, 'Rel station 47 chei ṭhatna tur tender chu tihfel a ni tawh a, state 32-ah chuan hna pawh thawh ṭan a ni tawh a ni," a ti. Sorkar laipui chuan rel station 200 thuam tharna tur master plan a buatsaih a, world class facility-ah siamin, waiting lounge, food court bakah naupangte tan amusement facility pawh dah a ni ang, a ti.

Minister chuan rel station hrang hrangte chu tualchhung thilsiam chhuah phochhuah leh zawrhchhuahna atan hman a ni dawn tih a sawi bawk.