Darjeeling-ah BJP hruaitu tibuai

West Bengal BJP chief Dilip Ghosh chuan Darjeeling tlawhin meeting-ah thu a sawi a, a thusawi lai hian tualchhung miten tibuaiin, BJP worker ṭhenkhat chu kut thlak an ni bawk.

Dilip Ghosh hian ni hnih cham turin Ningani khan Darjeeling hi a tlawh a, auditorium-a inkhawm buatsaiha a thu a sawi laiin, tualchhung mi ṭhenkhatte chuan lungawi lohna lantirin alo tibuai a ni. Hemi hnu hian state BJP hotu hi amah zuitute nen auditorium aṭang hian an chhuak a, mahse tualchhung mite hian an umzui a, Ghosh-a zuitu ṭhenkhat chu kut an thlak ta a ni.

Ghosh chuan amah leh a ṭhuihruaiten beih an tawhnaah hian West Bengal aṭanga Gorkhaland state hran siam phuta hun rei tak nawrh lo huaihawt tawh, Gorkha Janmukti Morcha (GJM) hotu Binoy Tamang chu a inrawlh niin a sawi. Police-te chuan venhimna an pe ṭha tawk lo a, Darjeeling police station-a himna zawnga tlanlut a, complaint an thehluh dawn pawhin kein an pan tih a sawi bawk.