Chhiah lak sut hma chuan movie thar tichhuak dawn lo

Tamil Nadu-a Film Producers Council chuan state sorkarin entertainment tax a lak ṭhin chu a sut hma chuan an state chhungah film thar an tichhuak tawh dawn lo tih an sawi.

Tamil Nadu-a AIADMK sorkar chuan Tamil film tihchhuaha chhiah 10 % leh non-Tamil film-ah 20% lak a nih tawh tur thu a sawi. Hei hi GST rate, cinema ticket Rs 100 man chunglama chhiah 28% leh Rs 100 hnuai lama 18% lak tur bak a, a lak belh leh tur a ni. Kumin July thlaa GST hman ṭan a nih kha, Tamil Nadu sorkar chuan GST bakah state sorkar chuan cinema ticket-ah entertainment tax 30% a lak tur thu hi a lo sawi tawh a ni.

Film Producers Council-te'n nawrh huaihawt hian state chhunga cinema theatre neitue a nghawng nasa dawn hle a, Satyam Cinemas neitu chuan ni khata an sum hloh tur hi cheng nuai 30-35 vel a tling dawn niin a sawi.