PM-in Vadnagar-ah roadshow nei

Prime Minister Narendra Modi chuan a pianna khua, Gujarat-a Vadnagar-ah nimin khan roadshow a nei.

PM Modi hian kum 2014-a prime minister atana lakluh a nih hnua an khua a tlawhna hmasa ber a ni a, mi tam takin an lo hmuak a ni. Helipad aṭanga khaw chhung a panna kawngah hian kawng tluanin amah hmuaktute hi an lo intlar a ni. PM in a tlawh dawn vang hian khaw chhung pawh nasa taka chei a ni bawk.

Modi chuan amah hmuaktute hnenah lawmthu sawiin, ram ṭhatna turin nasa zawka a thawh tur thu a sawi. Vadnagar khua tlawh chu a lo nghahhlelh tawh thu sawiin, a naupan laite a ngaihtuah chhuak tih a sawi.

PM hian cheng vaibelchhe 500 senga siam, GMERS medical college a hawng a, medical zirlaite hun a hmanpui nghal bawk.