Pesticide vangin Loneitu 20 an thi

Maharashtra-a Vidharbha bialah rannung thahna hlo, pesticide hman vangin thla kalta chhung khan loneitu 20 an thi tawh a, mi tam tak mit a del phah bawk.

Loneitute hian an thlai chinte rannungin a ei chhiat ṭhin venna atan pesticide hi an phuh a, pesticide te hi tur hlauh­awm tak an nih vangin an phuh lai hian protective gear an hman loh avangin he hlo hi hip lutin mi 20 in an thih phah a ni. Mi 600 chuang chuan luak­chhak, vun natna, luna leh luhai te an neih phah a, mitdel phah pawh an awm a ni. An zinga 100 chuang chu Yatvatmal-a district hospital-ah enkawl mek an ni.

Chief Minister Devendra Fadnavis chuan pesticide hman vanga loneitu tam takin harsatna an tawh dan hi chhui chiang­ turin thupek a tichhuak a, thi chhungte chu cheng nuai hnih ṭheuh pek an nih tur thu a sawi. Protective gear telloa pesticide hralhtu panga chu thubuai siamsak an ni tawh bawk.