Godhra case : Thi tura hrem 11-te hremna tihnepsak

Gujarat High Court chuan kum 2002-a Godhra rel hal thubuaia thi tura hrem mi 11-te hremna chu dam chhung tang turin a tihnepsak.

Kum 2002, February 27 khan Gujara-a Godhra station-ah Ahmedabad-Varanasi Sabarmati Express pindan pakhat, S-6 chu Hindu activist, Ayodhya tlawha kalte chuan an kir lamah beiin an hal zui a, mi 59 in an thihphah a ni. Rel pindan hal a nih hnu hian buaina nasa tak a chhuak zui a, mi 1,000 chuang an thi a ni. Chin hriat lohin mi 250 an awm bawk.

Kum 2011, March 12 khan special SIT court chuan he pawikhawihna thlenga inhnamhnawiha puh mi 31 chu thiam loh a chantir a, an zinga mi 11 chu thi tura hremna pek niin mi 20 chu damchhung tang tura hrem an ni. Mi 63-te erawh chu thiam chantir an ni. Thiam chantir zing­ah hian pawikhawihnaa mawhphurtu bera puh Maulana Umarji leh Godhra Municpality president hlui Mohammad Hussain Kalote-te an tel.