Chemical gas put vangin naupang 100 chuang damlo

Uttar Pradesh-a Shamli district-ah nimin khan sugar mill-a chemical gas put vangin a bulhnai school-a naupang 100 chuang an damlo.

Saraswati Shishu Mandir public school naupangte hi chemical gas put vang hian an lu a hai a, an luah bakah an nasa takin an mitte a na tel a ni. School thuneituten an ngaihven hmain naupang 20 chuang chu an lo thidang hman nia sawi a ni.

Naupang damlote hi district hospital panpui nghal an ni a, an zinga na zualte chu Muzaffarnagar leh Meerut hospital-ah hruai an ni.

He thil thleng vang hian senior district official-te chu school-ah hian an kal nghal a, District Magistrate leh Superintendent of Police pawhin an tlawh a ni. Sugar mill neitu hi a bibo nghal nia hriat a ni.