UP-ah meter 100-a sang Ram lim din tum

Uttar Pradesh Chief Minister Yogi Adityanath-a kaihhruai BJP sorkar cuan Ayodhya-a Saryu River kamah Lord Ram lim, meter 100-a sang siam a tum.

State sorkar chuan Lord Ram lim a din hi Navya Ayodhya project peng pakhat a ni thu sawiin, hian sakhaw thila an state-a khualzin tam zawk hip luhna tur a nih thu a sawi.

Ram lim hi meter 100-a sanga siam tum a ni a, mahse hemi atan hian National Green Tribunal (NGT) chuan no-objection certificate (NOC) a pek phawt a ngai dawn a ni. Milim bakah lui kamah hian Ram Katha gallery siam tum a ni bawk a, Digambar Akhara-ah multi-purpose auditorium siam a ni bawk ang.

Ayodhya-a hmasawnna hna kalpuina turin state sorkar chuan Tourism Ministry hnenah cheng vaibelchhe 195.89 hu detailed project report (DPR) a thehlut tawh a, ministry hian state sorkar hnenah vaibelchhe 133.70 a pe chhuak tawh a ni.