Tawang-a Indian Army helicopter tlaah pilot a thi

Arunachal Pradesh-a Tawang bul, forward area-ah nimin zing khan Indian Army helicopter, Cheetah a tla a, pilot a thi.

Tezpur-a Defence thupuangtu chuan, "Pilot pahnihte hi a hnaih ber Military Hospital-ah hruai nghal an ni a, pilot Lt Col Saurabh Yadav chu a hliam tuar loin a boral a ni," a ti. Co- pilot chu damdawi-inah hian enkawl a nih thu a sawi.

Helicopter tlak chhan hi hriatchian a la ni lo a, chhui chian nghal a nih thu a sawi nghal bawk.

Indian Army-te hman lai, Cheetah leh Chetak helicopter-te hi an hlui tawhin thlak an hun tawh hle. Kumin March thla khan Jammu and Kashmir-a Line of Control bulah Cheetah chopper hi tlain, pilot a thi a, co-pilot chuan hliam na tak a tuar a ni.

Cheetah, Chetak leh Cheetal helicopter hi Indian Army hian 190 nei mekin, heng zinga panga chu kum 50-a upa an ni tawh. A tam zawk, 130 vel chu kum 30-50 inkar an ni tawh bawk. Heng helicopter-te hi Army hian hmun sang lama ei tur leh mamawh supply-na atan leh, mi thiarchhuahna atan an hmang ṭhin. Army bakah Navy leh Indian Air Force-te pawhin heng helicoper-te hi an hmang bawk a, IAF hian Cheetah leh Chetak hi 120 vel neiin, Cheetal hi 18 a nei mek bawk.