KCR-a'n a party hming thar a tlangzarh

Telanganga chief minister K Chandrasekhar Rao chuan national party din tumin nimin khan an party, Telangana Rashtra Samiti (TRS) hming thar, Bharat Rashtra Samithi (BRS) a tlangzarh.

Telangana Rashtra Samithi (TRS) chu BRS tih a ni tawh ang, tiin Rao chuan a puang a ni.

KCR tia hriat lar, Chandrasekhar Roa chuan BRS chu national party tiin puang mah se, national party ni tur hian a la qualify lo hle thung. National party ni pha tur chuan, a tlem berah state pali inthlanah vote tla aṭanga 6% an hmuh phak a, Lok Sabha-ah seat pali tal an neih phak a ngai dawn a ni.

Chief Minister Rao chuan BRS hming hian huam zau zawkin state dangah hma an la dawn tih a sawi a, Gujarat, Karnataka, Maharashtra, Andhra Pradesh leh Uttar Pradesh inthlanahte pawh chuh tumin an bei dawn a ni, a ti. A party hming thlak chungchang hi nimin khan email-in Election Commission an hriattir nghal a, vawiin hian ECI hotute hi hmaichhanah hmuh a tum bawk.